#tabriklaymiz Joriy yilning 6–7-fevral kunlari Toshkent shahrida, Kamoliddin Behzod nomidagi Milliy rassomlik va dizayn institutida o‘tkazilgan “SEHRLI RANGLAR” respublika tasviriy va amaliy san’at ijodiy tanlovi yosh iste’dod egalari uchun chinakam mahorat maydoniga aylandi. Mazkur nufuzli tanlovda Jarqo‘rg‘on tumanidagi 5-son bolalar musiqa va san’at maktabining iqtidorli o‘quvchilari munosib ishtirok etib, yuqori natijalarni qo‘lga kiritdilar. Xususan, maktabimizning iste’dodli o‘quvchisi Ziyodullayeva Shahinabonu faxrli 3-o‘rinni, yana bir mahoratli ishtirokchi Qurbonova Nuriya esa faxrli 2-o‘rinni egallab, maktabimiz sha’nini munosib himoya qildilar. Ularning ijodkorligi, ranglar uyg‘unligini his etish mahorati va san’atga bo‘lgan cheksiz mehri yuksak baholandi. Bu yutuqlar ortida ustozlarning zahmatli mehnati, ota-onalarning qo‘llab-quvvatlashi va albatta, o‘quvchilarning tinimsiz izlanishlari mujassamdir. Yutuqlaringiz bardavom bo‘lsin! 🌸✨

ILM VA TAJRIBA ALMASHINUVI – MAHORAT SARI QADAM! 🎨✨ Navbatdagi o‘quv-amaliy seminar joriy yilning 3-fevral kuni Jarqo‘rg‘on tumani 5-son bolalar musiqa va san’at maktabining tasviriy san’at yo‘nalishida bo‘lib o‘tdi. Seminar davomida ustozlar o‘zaro tajriba almashib, zamonaviy o‘qitish usullari, ijodiy yondashuv va yosh iste’dodlarni qo‘llab-quvvatlash borasida fikr almashdilar. Tadbir yuqori saviyada tashkil etilib, ishtirokchilarda katta taassurot qoldirdi. Bunday uchrashuvlar san’at ta’limining sifatini yanada oshirish, o‘qituvchilarning kasbiy mahoratini mustahkamlash va yosh avlodning ijodiy salohiyatini rivojlantirishga xizmat qiladi. San’at yo‘lida birlashgan qalblar — kelajak ijodkorlarini tarbiyalaydi! 🌸🎨

Prezident Shavkat Mirziyoyev Surxondaryo viloyatiga tashrif buyurdi. Davlatimiz rahbari safarini, anʼanaga koʻra, Hakim at-Termiziy maqbarasi ziyoratidan boshladi.

Prezident Shavkat Mirziyoyev Jarqo‘rg‘on tumanida qurilayotgan “Yangi O‘zbekiston” massivini borib ko'rdi.

HAMKORLIK MEMORANDUMI IMZOLANDI. Surxondaryo viloyati Jarqo‘rg‘on tumani 5-sonli bolalar musiqa va san'at maktabi hamda tumandagi "Kelajak" markazi o'rtasida o‘zaro hamkorlik memorandumi imzolandi. • Tomonlar memorandum doirasida quyidagi kelishuvga erishdilar: • "Kelajak" markazining "Madaniyat va san'at" yo'nalishidagi to'garaklar uchun dastur va qo'llanmalar ishlab chiqish, • O'zaro manfaatli sohalarda ilmiy hamkorlikni yo'lga qo'yishga ko'maklashish. •"Kelajak" markazida tashkil etilayotgan onlayn mashg‘ulotlarga madaniyat sohasidagi professional mutaxassislarni amaldagi qonunchilikda muvofiq, shartnoma asosida jalb qilish; • O‘zaro kelishuv bo‘yicha boshqa yo‘nalishlarda hamkorlik qilish. Memorandum bo'yicha amalga oshirilayotgan ishlarni bizning ijtimoiy tarmoqdagi sahifalarimizda kuzatib boring!

🌸 Bugun tunda, kelarmish bahor… Derazangdan mo‘ralab asta, Gul yuzingdan bo‘lib shikasta, Uzun qishga siltab qo‘lini, Ham qalbingdan boshlab yo‘lini, To‘qqiz oyki, yelarmish bahor, Bugun tunda kelarmish bahor... Qoru muzni suvga g‘arq qilib, Izg‘irinni butkul tark qilib, Eshitgandek mening nolamni, Guldastaga o‘rab olamni – Tushda boshing silarmish bahor, Bugun tunda kelarmish bahor... Go‘zallikni eltib jahonga, Sano aytib har o‘tgan onga, Jamolingga bo‘lib mahliyo, Istarangdan olgancha ziyo- Bizga iqbol tilarmish bahor, Bugun tunda kelarmish bahor... Unutilar xazonrez kuzak, Tabassuming yuzingga bezak. Mehrlaring menga og‘dirib, Yomg‘irlarin yerga yog‘dirib, Suvlarini elarmish bahor, Bugun tunda kelarmish bahor... Hissiyotga to‘ldirib dilni, Kengaytirib kichik ko‘ngilni, Duolarga ijobat yetib, Tabiatni chamanzor etib, Baxtimizdek kularmish bahor, Bugun tunda kelarmish bahor... #Bahor

Jarqo‘rg‘on tumani 5-son Bolalar musiqa va san’at maktabida 8-mart — Xalqaro xotin-qizlar kuni munosabati bilan bayram konserti bo‘lib o‘tdi. O‘quvchilarimiz tomonidan ijro etilgan kuy-qo‘shiqlar va sahna chiqishlari bayramga yanada ko‘tarinki kayfiyat bag‘ishladi. Aziz onalarimiz, opa-singillarimiz va ustozlarimizni 8-mart bayrami bilan chin qalbimizdan tabriklaymiz! 💐

🌸 Байрамингиз муборак бўлсин, ҳаётимизнинг мазмуни бўлган меҳрибон онажонлар ва азиз опа-сингиллар 8 март - "Халқаро хотин-қизлар куни" барчангизга муборак бўлсин, юзингиздан табассум аримасин, қадрингиз доим осмондек юксак бўлсин!!!

Maktabimizda ,, Obodlik mahalladan boshlanadi ” shiori ostida umumxalq hashari tashkil etildi. Hasharda maktab jamoasi faol ishtirok etib, maktab hududini obodonlashtirish, tozalash hamda tartibga keltirish ishlari amalga oshirildi. Daraxt va gul ko‘chatlari atrofi tozalandi, yo‘laklar supurildi, hududdagi ortiqcha chiqindilar yig‘ishtirildi. Bunday tadbirlar o‘quvchilar va ustozlarda tabiatga mehr, ozodalik va hamjihatlik tuyg‘ularini yanada mustahkamlaydi. Hashar jarayoni ko‘tarinki kayfiyatda o‘tdi va maktab hududi yanada fayzli ko‘rinishga keltirildi.